वि या जा॒नाति॒ जसु᳚रिं॒ वि तृष्य᳚न्तं॒ वि का॒मिन᳚म् ।
दे॒व॒त्रा कृ᳚णु॒ते मनः᳚ ॥
दे॒व॒त्रा कृ᳚णु॒ते मनः᳚ ॥
पदपाठः (Word-by-word)
वि । या । जा॒नाति᳚ । जसु᳚रिम् । वि । तृष्य᳚न्तम् । वि । का॒मिन᳚म् ।
दे॒व॒॑त्रा । कृ॒णु॒ते । मनः᳚ ॥
दे॒व॒॑त्रा । कृ॒णु॒ते । मनः᳚ ॥
सायणभाष्यम् (Sayana Commentary)
याशशीयसी जसुरिं व्यथितं जसिस्ताडनकर्मा उपक्षेपणकर्मावा तंविजानाति तथातृष्यन्तं विजानाति कामिनं धनाद्यभिलाषवन्तं विजानाति अनुकंपयाभिमतं दत्तवतीत्यर्थः देवत्रा मनः कृणुते कुरुते देवप्रीत्यर्थंप्रदानबुद्धिंकरोतियासैवस्त्रीतिपूर्वत्रसंबन्धः ॥ ७ ॥