त्वाम᳚ग्ने॒ मानु᳚षीरीळते॒ विशो᳚ होत्रा॒विदं॒ विवि᳚चिं रत्न॒धात᳚मम् ।
गुहा॒ सन्तं᳚ सुभग वि॒श्वद᳚र्शतं तुविष्व॒णसं᳚ सु॒यजं᳚ घृत॒श्रिय᳚म् ॥
गुहा॒ सन्तं᳚ सुभग वि॒श्वद᳚र्शतं तुविष्व॒णसं᳚ सु॒यजं᳚ घृत॒श्रिय᳚म् ॥
पदपाठः (Word-by-word)
त्वाम् । अ॒ग्ने॒ । मानु᳚षीः । ई॒ळ॒ते॒ । विशः᳚ । हो॒त्रा॒॑विद᳚म् । विवि᳚चिम् । र॒त्न॒॑धात᳚मम् ।
गुहा᳚ । सन्त᳚म् । सु॒॑भ॒ग॒ । वि॒श्व॑द᳚र्शतम् । तु॒वि॒॑स्व॒नस᳚म् । सु॒॑यज᳚म् । घृ॒त॒॑श्रिय᳚म् ॥
गुहा᳚ । सन्त᳚म् । सु॒॑भ॒ग॒ । वि॒श्व॑द᳚र्शतम् । तु॒वि॒॑स्व॒नस᳚म् । सु॒॑यज᳚म् । घृ॒त॒॑श्रिय᳚म् ॥
सायणभाष्यम् (Sayana Commentary)
अग्नीनां परस्परं सम्सर्गे विविचयेऽग्नये काचिदिष्टिः । तत्र त्वामग्ने मानुषीरिति याज्या । सूत्रितं च । त्वामग्नेमानुषीरीळते विशोऽग्न आयाहि वीतये । आ. ३-१३ । इति ॥
हे अग्ने सुभग शोभनधन त्वां मानुषीर्विशो मानुषसम्बन्धिन्यः सर्वाः प्रजा ईळते । स्तुवन्ति । कीदृशं त्वां होत्राविदं होमानां सप्तहोत्रकाणां वा वेत्तारं विविचिं विवेचकं सदसतोः रत्नधातमं रमणीयानां धनानां दातृतमं गुहा गुहायामरण्यां हृदयेशु वा सन्तं सर्वदा वर्तमानं विश्वदर्शतं सर्वैर्द्रष्टव्यं तुविष्वणसं प्रभूतध्वनिं सुयजं सुष्ठु यष्टारं घृतश्रियं घृतं श्रयन्तम् ॥ ३ ॥