त्वाम᳚ग्ने प्र॒दिव॒ आहु᳚तं घृ॒तैः सु᳚म्ना॒यवः᳚ सुष॒मिधा॒ समी᳚धिरे ।
स वा᳚वृधा॒न ओष᳚धीभिरुक्षि॒तो॒३॒᳚॑भि ज्रयां᳚सि॒ पार्थि᳚वा॒ वि ति᳚ष्ठसे ॥
स वा᳚वृधा॒न ओष᳚धीभिरुक्षि॒तो॒३॒᳚॑भि ज्रयां᳚सि॒ पार्थि᳚वा॒ वि ति᳚ष्ठसे ॥
पदपाठः (Word-by-word)
त्वाम् । अ॒ग्ने॒ । प्र॒॑दिवः᳚ । आ॑हु᳚तम् । घृ॒तैः । सु॒म्न॒॑यवः᳚ । सु॒॑स॒मिधा᳚ । सम् । ई॒धि॒रे॒ ।
सः । व॒वृ॒धा॒नः । ओष᳚धीभिः । उ॒क्षि॒तः । अ॒भि । ज्रयां᳚सि । पार्थि᳚वा । वि । ति॒ष्ठ॒से॒ ॥
सः । व॒वृ॒धा॒नः । ओष᳚धीभिः । उ॒क्षि॒तः । अ॒भि । ज्रयां᳚सि । पार्थि᳚वा । वि । ति॒ष्ठ॒से॒ ॥
सायणभाष्यम् (Sayana Commentary)
हे अग्ने घृतैराहुतं त्वां प्रदिवः पुरातनाः सुम्नायवः सुखमिच्छन्तो यजमानाः सुशमिधा शोभनेनेध्मेन समिधिरे । सम्यक् दीपितवन्तः । स त्वं वावृधानो वर्धमान ओषधीभिरुक्षितः सिक्तो ज्रयांस्यन्नानि पार्थिवा पार्थिवान्वृक्षान् । यद्वा । पार्थिवेति ज्रयोविशेशणम् । पार्थिवानि चरुपुरोडाशादिकान्यभि वितिष्ठसे । अभिव्यज्य वर्तसे ॥ ७ ॥
वेदार्थस्य प्रकाशेन तमे हार्दं निवारयन्
पुमार्थांश्चतुरो देयाद्विद्यातीर्थमहेश्वरः ॥
श्रीमत्सायण मन्त्रीशो दाशतय्यास्तृतीयके । अश्टके सप्तमाध्यायं व्याकार्षीदतिपेशलम् ॥