व॒यम᳚ग्ने वनुयाम॒ त्वोता᳚ वसू॒यवो᳚ ह॒विषा॒ बुध्य᳚मानाः ।
व॒यं स᳚म॒र्ये वि॒दथे॒ष्वह्नां᳚ व॒यं रा॒या स᳚हसस्पुत्र॒ मर्ता᳚न् ॥
व॒यं स᳚म॒र्ये वि॒दथे॒ष्वह्नां᳚ व॒यं रा॒या स᳚हसस्पुत्र॒ मर्ता᳚न् ॥
पदपाठः (Word-by-word)
व॒यम् । अ॒ग्ने॒ । व॒नु॒या॒म॒ । त्वा॑ऊ᳚ताः । व॒सु॒॑यवः᳚ । ह॒विषा᳚ । बुध्य᳚मानाः ।
व॒यम् । स॒॑म॒र्ये । वि॒दथे᳚षु । अह्ना᳚म् । व॒यम् । रा॒या । स॒ह॒सः॒ । पु॒त्र॒ । मर्ता᳚न् ॥
व॒यम् । स॒॑म॒र्ये । वि॒दथे᳚षु । अह्ना᳚म् । व॒यम् । रा॒या । स॒ह॒सः॒ । पु॒त्र॒ । मर्ता᳚न् ॥
सायणभाष्यम् (Sayana Commentary)
हे अग्ने वयं यजमानास्त्वोतास्त्वया रक्षिताः सन्तो वनुयाम । शत्रून्पीडयाम सम्भजेमहि वा धनम् । कीदृशा वयम् । वसूयवो वसुकामा हविशा त्वां बुध्यमाना बोधयन्तो वयं समर्ये समरणे जयेम शत्रूनिति शेषः । विदथेषु यागेषु प्राप्नुयाम बलम् । यद्वा । वनुयामेत्येतदनुषज्यते । अह्नां सर्वेष्वहःसु । किञ्च वयं हे सहसस्पुत्र बलस्य पुत्र पालक वाग्ने राया धनेन सह मर्त्यान्पुत्रभृत्यादीन् लभेमहि ॥ ६ ॥