त्वाम॒स्या व्युषि᳚ देव॒ पूर्वे᳚ दू॒तं कृ᳚ण्वा॒ना अ᳚यजन्त ह॒व्यैः ।
सं॒स्थे यद᳚ग्न॒ ईय᳚से रयी॒णां दे॒वो मर्तै॒र्वसु᳚भिरि॒ध्यमा᳚नः ॥
सं॒स्थे यद᳚ग्न॒ ईय᳚से रयी॒णां दे॒वो मर्तै॒र्वसु᳚भिरि॒ध्यमा᳚नः ॥
पदपाठः (Word-by-word)
त्वाम् । अ॒स्याः । वि॒॑उषि᳚ । दे॒व॒ । पूर्वे᳚ । दू॒तम् । कृ॒ण्वा॒नाः । अ॒य॒ज॒न्त॒ । ह॒व्यैः ।
स॒म्॑स्थे । यत् । अ॒ग्ने॒ । ईय᳚से । र॒यी॒णाम् । दे॒वः । मर्तैः᳚ । वसु᳚॑भिः । इ॒ध्यमा᳚नः ॥
स॒म्॑स्थे । यत् । अ॒ग्ने॒ । ईय᳚से । र॒यी॒णाम् । दे॒वः । मर्तैः᳚ । वसु᳚॑भिः । इ॒ध्यमा᳚नः ॥
सायणभाष्यम् (Sayana Commentary)
हे अग्ने त्वामस्या रात्रेर्व्युषि । व्युष्टायामुषसीत्यर्थः । पूर्वे पुरातना यजमाना दूतं देवानां प्रेरकं कृण्वानाः कुर्वाणा अयजन्त हव्यैर्हविर्भिः साधनै रयीणां हविर्लकाहणानां संस्थे संस्थान आसादने सति हे अग्ने यद्यदेयसे । गच्छसि । देवो द्योतमानो मर्तैर्मनुष्यैरृत्विग्भिर्वसुभिर्वासकैरिध्यमानः समिध्यमानः सन् ॥ ८ ॥