आ सु᳚ष्टु॒ती नम᳚सा वर्त॒यध्यै॒ द्यावा॒ वाजा᳚य पृथि॒वी अमृ᳚ध्रे ।
पि॒ता मा॒ता मधु᳚वचाः सु॒हस्ता॒ भरे᳚भरे नो य॒शसा᳚वविष्टाम् ॥
पि॒ता मा॒ता मधु᳚वचाः सु॒हस्ता॒ भरे᳚भरे नो य॒शसा᳚वविष्टाम् ॥
पदपाठः (Word-by-word)
आ । सु॒॑स्तु॒ती । नम᳚सा । व॒र्त॒यध्यै᳚ । द्यावा᳚ । वाजा᳚य । पृ॒थि॒वी इति᳚ । अमृ᳚ध्रे॒ इति᳚ ।
पि॒ता । मा॒ता । मधु᳚॑वचाः । सु॒॑हस्ता᳚ । भरे᳚॑भरे । नः॒ । य॒शसौ᳚ । अ॒वि॒ष्टा॒म् ॥
पि॒ता । मा॒ता । मधु᳚॑वचाः । सु॒॑हस्ता᳚ । भरे᳚॑भरे । नः॒ । य॒शसौ᳚ । अ॒वि॒ष्टा॒म् ॥
सायणभाष्यम् (Sayana Commentary)
अहं सुष्टुती सुष्टुत्या शोभनस्तोत्रेण नमसाहविषाच अमृध्रे हिंसारहिते द्यावापृथिवी द्यावापृथिव्यावावर्तयध्यै आवर्तयितुमिच्छामि वाजायान्नार्थं अन्नंवैवाजइतिहिश्रुतिः । पिता पालयित्रीद्यौर्माता निर्मात्रीपृथिवी मधुवचाः प्रियवचनाः सुहस्ता अभिमतदानेनशोभनह्रस्ता एते उभयविशेषणे यशसौ यशोयुक्तौ द्यावापृथिव्यौ भरेभरे सर्वेषुसंग्रामेषुयज्ञेषुवा नोस्मानविष्टांरक्षताम् ॥ २ ॥