उ॒त स्य वा॒ज्य᳚रु॒षस्तु᳚वि॒ष्वणि᳚रि॒ह स्म᳚ धायि दर्श॒तः ।
मा वो॒ यामे᳚षु मरुतश्चि॒रं क᳚र॒त्प्र तं रथे᳚षु चोदत ॥
मा वो॒ यामे᳚षु मरुतश्चि॒रं क᳚र॒त्प्र तं रथे᳚षु चोदत ॥
पदपाठः (Word-by-word)
उ॒त । स्यः । वा॒जी । अ॒रु॒षः । तु॒वि॒॑स्वनिः᳚ । इ॒ह । स्म॒ । धा॒यि॒ । द॒र्श॒तः ।
मा । वः॒ । यामे᳚षु । म॒रु॒तः॒ । चि॒रम् । क॒र॒त् । प्र । तम् । रथे᳚षु । चो॒द॒त॒ ॥
मा । वः॒ । यामे᳚षु । म॒रु॒तः॒ । चि॒रम् । क॒र॒त् । प्र । तम् । रथे᳚षु । चो॒द॒त॒ ॥
सायणभाष्यम् (Sayana Commentary)
उतापिच स्यः सवाजी वेजनवानरुषआरोचनः तुविष्वणिः प्रभूतध्वनिरश्वः अरुषइत्यनेनरोहितइत्युक्तंभवति प्रष्टिर्वहतिरोहितइति- ह्युक्तम् । इहेदानीं दर्शतोदर्शनीयःसन् धायि रथेनियोजितः स्मेतिपूरणः हेमरुतोवोयामेषु गमनेषु सोश्वश्चिरंविलंबंमाकरत् माकरोतु तं रथेषु रथेयुक्तमितिशेषः प्रचोदत प्रेरयत यथाविलंबंनकुर्यात्तथाप्रेरयत ॥ ७ ॥