क॒थो नु ते॒ परि᳚ चराणि वि॒द्वान्वी॒र्या᳚ मघव॒न्या च॒कर्थ᳚ ।
या चो॒ नु नव्या᳚ कृ॒णवः᳚ शविष्ठ॒ प्रेदु॒ ता ते᳚ वि॒दथे᳚षु ब्रवाम ॥
या चो॒ नु नव्या᳚ कृ॒णवः᳚ शविष्ठ॒ प्रेदु॒ ता ते᳚ वि॒दथे᳚षु ब्रवाम ॥
पदपाठः (Word-by-word)
क॒थो इति᳚ । नु । ते॒ । परि᳚ । च॒रा॒णि॒ । वि॒द्वान् । वी॒र्या᳚ । म॒घ॒॑व॒न् । या । च॒कर्थ᳚ ।
या । चो॒ इति᳚ । नु । नव्या᳚ । कृ॒णवः᳚ । श॒वि॒ष्ठ॒ । प्र । इत् । ऊं॒ इति᳚ । ता । ते॒ । वि॒दथे᳚षु । ब्र॒वा॒म॒ ॥
या । चो॒ इति᳚ । नु । नव्या᳚ । कृ॒णवः᳚ । श॒वि॒ष्ठ॒ । प्र । इत् । ऊं॒ इति᳚ । ता । ते॒ । वि॒दथे᳚षु । ब्र॒वा॒म॒ ॥
सायणभाष्यम् (Sayana Commentary)
हेमघवन् धनवन्निन्द्र त्वं या यानि वीर्या वीर्याणि चकर्थ चकृषे अहं तानि वीर्याणि विद्वान् जानन् ते तुभ्यं कथोनु कथंनु परिचराणी परिचर्यांकरवाणि हेशविष्ठ बलवत्तमेन्द्र याचो यानिचैव नव्या नव्यानि नूतनानि वीर्याणि नु क्षिप्रं कृणवः कुर्याः ते त्वदीयानि ता तानि वीर्याणि विदथेषु यज्ञेषु प्रेदु ब्रवाम प्रैववदाम ॥ १३ ॥