सखा॒ सख्ये᳚ अपच॒त्तूय᳚म॒ग्निर॒स्य क्रत्वा᳚ महि॒षा त्री श॒तानि᳚ ।
त्री सा॒कमिन्द्रो॒ मनु᳚ष॒ः सरां᳚सि सु॒तं पि᳚बद्वृत्र॒हत्या᳚य॒ सोम᳚म् ॥
त्री सा॒कमिन्द्रो॒ मनु᳚ष॒ः सरां᳚सि सु॒तं पि᳚बद्वृत्र॒हत्या᳚य॒ सोम᳚म् ॥
पदपाठः (Word-by-word)
सखा᳚ । सख्ये᳚ । अ॒प॒च॒त् । तूय᳚म् । अ॒ग्निः । अ॒स्य । क्रत्वा᳚ । म॒हि॒षा । त्री । श॒तानि᳚ ।
त्री । सा॒कम् । इन्द्रः᳚ । मनु᳚षः । सरां᳚सि । सु॒तम् । पि॒ब॒त् । वृ॒त्र॒॑हत्या᳚य । सोम᳚म् ॥
त्री । सा॒कम् । इन्द्रः᳚ । मनु᳚षः । सरां᳚सि । सु॒तम् । पि॒ब॒त् । वृ॒त्र॒॑हत्या᳚य । सोम᳚म् ॥
सायणभाष्यम् (Sayana Commentary)
सखा इन्द्रस्यमित्रभूतोग्निः महिषा महिषाणांपशूनां त्री त्रीणि शतानि शतसंख्याकानि सख्ये सख्युर्मित्रभूतस्यास्येन्द्रस्य क्रत्वा कर्मणा निमित्तभूतेन तूयं क्षिप्रं अपचत् पपाच किंच इन्द्रःपरमैश्वर्ययुक्तः मनुषोमनोःसंबंधीनि त्री त्रीणिसरांसि पात्राणि अत्रसरस् शब्देन पूतभृदाधवनीयद्रोणकलशसंज्ञानिपात्राण्युच्यन्ते तेषुस्थितंसुतम भिषुतंसोमंसाकं युगपदेव वृत्रहत्याय वृत्रहननाय पिबदपिबत् पपौ ॥ ७ ॥