उ॒शना॒ यत्स᳚ह॒स्यै॒३॒᳚रया᳚तं गृ॒हमि᳚न्द्र जूजुवा॒नेभि॒रश्वै᳚ः ।
व॒न्वा॒नो अत्र᳚ स॒रथं᳚ ययाथ॒ कुत्से᳚न दे॒वैरव᳚नोर्ह॒ शुष्ण᳚म् ॥
व॒न्वा॒नो अत्र᳚ स॒रथं᳚ ययाथ॒ कुत्से᳚न दे॒वैरव᳚नोर्ह॒ शुष्ण᳚म् ॥
पदपाठः (Word-by-word)
उ॒शना᳚ । यत् । स॒ह॒स्यैः᳚ । अया᳚तम् । गृ॒हम् । इ॒न्द्र॒ । जू॒जु॒वा॒नेभिः᳚ । अश्वैः᳚ ।
व॒न्वा॒नः । अत्र᳚ । स॒रथ᳚म् । य॒या॒थ॒ । कुत्से᳚न । दे॒वैः । अव᳚नोः । ह॒ । शुष्ण᳚म् ॥
व॒न्वा॒नः । अत्र᳚ । स॒रथ᳚म् । य॒या॒थ॒ । कुत्से᳚न । दे॒वैः । अव᳚नोः । ह॒ । शुष्ण᳚म् ॥
सायणभाष्यम् (Sayana Commentary)
यद्यदा हेइन्द्र त्वं उशनाकाव्यश्च सहस्यैरभिभवनशीलैःजूजुवानेभिः जूजुवानैर्गच्छद्भिः अश्वैः कुर्सस्यगृहं अयातं अगच्छतं तदा हेइन्द्र त्वं अस्मिन्काले वन्वानः शत्रून्हिंसन् कुत्सेन देवैश्चसह सरथं समानमेकंरथं ययाथ जगन्थ किंच शुष्णमेतन्ना मानमसुरं अवनोर्ह अहिंसीःखलु ॥ ९ ॥