नव॒ यद᳚स्य नव॒तिं च᳚ भो॒गान्त्सा॒कं वज्रे᳚ण म॒घवा᳚ विवृ॒श्चत् ।
अर्च॒न्तीन्द्रं᳚ म॒रुतः᳚ स॒धस्थे॒ त्रैष्टु᳚भेन॒ वच᳚सा बाधत॒ द्याम् ॥
अर्च॒न्तीन्द्रं᳚ म॒रुतः᳚ स॒धस्थे॒ त्रैष्टु᳚भेन॒ वच᳚सा बाधत॒ द्याम् ॥
पदपाठः (Word-by-word)
नव᳚ । यत् । अ॒स्य॒ । न॒व॒तिम् । च॒ । भो॒गान् । सा॒कम् । वज्रे᳚ण । म॒घ॑वा᳚ । वि॒॑वृ॒श्चत् ।
अर्च᳚न्ति । इन्द्र᳚म् । म॒रुतः᳚ । स॒ध॑स्थे᳚ । त्रैस्तु᳚भेन । वच᳚सा । बा॒ध॒त॒ । द्याम् ॥
अर्च᳚न्ति । इन्द्र᳚म् । म॒रुतः᳚ । स॒ध॑स्थे᳚ । त्रैस्तु᳚भेन । वच᳚सा । बा॒ध॒त॒ । द्याम् ॥
सायणभाष्यम् (Sayana Commentary)
यद्यदा मघवा धनवानिन्द्रः अस्येत्यनेनशंबरउच्यते अस्यशंबरस्यसंबन्धीनि नवनवसंख्याकानि नवतिंच नवतिसंख्याकानिच भोगान् पुराणि भोगानित्यन्तोदात्तः पुरवचनः साकं युगपदेव वज्रेण विवृश्चत् व्यवृश्चत् अभिनत् तदामरुतःसधस्थे सहस्थाने युद्धेवा स्थितमिन्द्रं त्रैष्टुभेन त्रिष्टुछन्दस्केनवचसा वाग्रूपेण स्तोत्रेणार्चन्ति अस्तुवन् इन्द्रः एवंस्तुतःसन् द्यां मरुद्भिःप्रयज्यमानेन- मंत्रेणदीप्तंशंबराख्यमसुरं बाधताबाधत पिपीडे ॥ ६ ॥