त्री यच्छ॒ता म᳚हि॒षाणा॒मघो॒ मास्त्री सरां᳚सि म॒घवा᳚ सो॒म्यापा᳚ः ।
का॒रं न विश्वे᳚ अह्वन्त दे॒वा भर॒मिन्द्रा᳚य॒ यदहिं᳚ ज॒घान᳚ ॥
का॒रं न विश्वे᳚ अह्वन्त दे॒वा भर॒मिन्द्रा᳚य॒ यदहिं᳚ ज॒घान᳚ ॥
पदपाठः (Word-by-word)
त्री । यत् । श॒ता । म॒हि॒षाणा᳚म् । अघः᳚ । माः । त्री । सरां᳚सि । म॒घ॑वा᳚ । सो॒म्या । अपाः᳚ ।
का॒रम् । न । विश्वे᳚ । अ॒ह्व॒न्त॒ । दे॒वाः । भर᳚म् । इन्द्रा᳚य । यत् । अहि᳚म् । ज॒घान᳚ ॥
का॒रम् । न । विश्वे᳚ । अ॒ह्व॒न्त॒ । दे॒वाः । भर᳚म् । इन्द्रा᳚य । यत् । अहि᳚म् । ज॒घान᳚ ॥
सायणभाष्यम् (Sayana Commentary)
हेइन्द्र त्वं यद्यदा त्री त्रयाणांशता शतसंख्याकानांमहिषाणांपशूनांमाः मांसानि अघःभक्षितवानसि घसेरत्तेर्वारूपं यदाच मघवाधनवांस्त्वं सोम्या सोममयानि त्री त्रीणि सरांसि पात्राणि अपाः पीतवानसि यद्यदाइन्द्रोहिंवृत्रं जघान हतवान् तदाविश्वेसर्वेदेवाः भरं सोमपानादिनापूर्णं इन्द्रायेन्द्रं युद्धार्थं अह्वंत आह्वयंत तत्रदृष्टान्तः-कारंन स्वामिनःकर्मकरमिव तद्वत् ॥ ८ ॥ उशनसःस्तोमेउशनायत् सहस्यैरितिमरुत्वतीयेसूक्तमुखीया सूत्रितंच-उशनसःस्तोमे नगरगीर्णमिवत्मानंमन्यमानोयजे तोशनाय -त्सहस्यैरयातमिति ।