यद्यदेमयमग्निर्गणस्य सङ्घात्मकस्य जगतो रशनां रज्जुरिव व्यापारप्रतिबन्धकं तमोऽजीगः । गिरति गृह्णाति वा । समिद्धो भवतीत्यर्थः । तदा शुचिर्दीप्तोऽग्निः शुचिभिर्गोभिर्दीप्तैः रश्मिभिरङ्क्ते । व्यनक्ति विश्वं जगत् । आदनन्तरमेव दक्षिणा प्रवृद्धा वाजयन्त्यन्नमिच्छन्त्याज्यधारा युज्यते । युक्ता भवति । अथवा दक्षिणा पव्यद्धाज्यधारा युज्यते । तां च धारामुत्तानामूर्ध्वतानामुपरि विस्तृतामूर्ध्व उन्नतः सन् जुहूभिरधयत् । पिबति ॥ ३ ॥