इ॒मं नु मा॒यिनं᳚ हुव॒ इन्द्र॒मीशा᳚न॒मोज᳚सा ।
म॒रुत्व᳚न्तं॒ न वृ॒ञ्जसे᳚ ॥
म॒रुत्व᳚न्तं॒ न वृ॒ञ्जसे᳚ ॥
पदपाठः (Word-by-word)
इ॒मम् । नु । मा॒यिन᳚म् । हु॒वे॒ । इन्द्र᳚म् । ईशा᳚नम् । ओज᳚सा ।
म॒रुत्व᳚न्तम् । न । वृ॒ञ्जसे᳚ ॥
म॒रुत्व᳚न्तम् । न । वृ॒ञ्जसे᳚ ॥
सायणभाष्यम् (Sayana Commentary)
इमं मायिनं प्रज्ञावन्तं ओजसा स्वबलेन ईशानं सर्वस्य स्वामिनं मरुत्वन्तंन । नेति संप्रत्यर्थे । मरुद्भिस्तद्वन्तमिदानीमिन्द्रं वृंजसे शत्रूणां छेदनाय हुवे आह्वयामि ॥ १ ॥