अ॒ग्निम᳚स्तोष्यृ॒ग्मिय᳚म॒ग्निमी॒ळा य॒जध्यै᳚ ।
अ॒ग्निर्दे॒वा{4} अ᳚नक्तु न उ॒भे हि वि॒दथे᳚ क॒विर॒न्तश्चर᳚ति दू॒त्यं१॒᳚ नभ᳚न्तामन्य॒के स᳚मे ॥
अ॒ग्निर्दे॒वा{4} अ᳚नक्तु न उ॒भे हि वि॒दथे᳚ क॒विर॒न्तश्चर᳚ति दू॒त्यं१॒᳚ नभ᳚न्तामन्य॒के स᳚मे ॥
पदपाठः (Word-by-word)
अ॒ग्निम् । अ॒स्तो॒षि॒ । ऋ॒ग्मिय᳚म् । अ॒ग्निम् । ई॒ळा । य॒जध्यै᳚ ।
अ॒ग्निः । दे॒वान् । अ॒न॒क्तु॒ । नः॒ । उ॒भे इति᳚ । हि । वि॒दथे॒ इति᳚ । क॒विः । अ॒न्तरिति᳚ । चर᳚ति । दू॒त्य᳚म् । नभ᳚न्ताम् । अ॒न्य॒के । स॒मे॒ ॥
अ॒ग्निः । दे॒वान् । अ॒न॒क्तु॒ । नः॒ । उ॒भे इति᳚ । हि । वि॒दथे॒ इति᳚ । क॒विः । अ॒न्तरिति᳚ । चर᳚ति । दू॒त्य᳚म् । नभ᳚न्ताम् । अ॒न्य॒के । स॒मे॒ ॥
सायणभाष्यम् (Sayana Commentary)
ऋग्मियं ऋगर्हं अग्निमस्तौषि स्तौमि । अपिचाग्निं यणध्यौ यष्टुमीळा स्तुत्या स्तौमीत्यर्थः अपिचाग्निर्नोस्माकं विदथे यज्ञे देवान् हविर्भिरनक्तु । कविः क्रान्तदर्श्यग्निः उभे द्यावापृथिव्यावन्तर्मध्ये दूत्यं हविर्वहनादिलक्षणं दूतकर्म चरति । अन्यके शत्रवोपि समे सर्वे नभन्तां नभतिर्हिंसाकर्मा अग्निना हिंस्यन्ताम् ॥ १ ॥