अ॒ग्निर्दे॒वेषु॒ संव᳚सु॒ः स वि॒क्षु य॒ज्ञिया॒स्वा ।
स मु॒दा काव्या᳚ पु॒रु विश्वं॒ भूमे᳚व पुष्यति दे॒वो दे॒वेषु᳚ य॒ज्ञियो॒ नभ᳚न्तामन्य॒के स᳚मे ॥
स मु॒दा काव्या᳚ पु॒रु विश्वं॒ भूमे᳚व पुष्यति दे॒वो दे॒वेषु᳚ य॒ज्ञियो॒ नभ᳚न्तामन्य॒के स᳚मे ॥
पदपाठः (Word-by-word)
अ॒ग्निः । दे॒वेषु᳚ । सम्॑व᳚सुः । सः । वि॒क्षु । य॒ज्ञिया᳚सु । आ ।
सः । मु॒दा । काव्या᳚ । पु॒रु । विश्व᳚म् । भूम᳚॑इव । पु॒ष्य॒ति॒ । दे॒वः । दे॒वेषु᳚ । य॒ज्ञियः᳚ । नभ᳚न्ताम् । अ॒न्य॒के । स॒मे॒ ॥
सः । मु॒दा । काव्या᳚ । पु॒रु । विश्व᳚म् । भूम᳚॑इव । पु॒ष्य॒ति॒ । दे॒वः । दे॒वेषु᳚ । य॒ज्ञियः᳚ । नभ᳚न्ताम् । अ॒न्य॒के । स॒मे॒ ॥
सायणभाष्यम् (Sayana Commentary)
यो देवेषु मध्येग्निः संवसुः संवसति सोग्निर्यज्ञियासु यज्ञार्हासु विक्षु प्रजास्वप्यासंवसुः । किञ्च सोग्निः पुरु बहूनि काव्या कर्माणि भूमेव यथा भूमिः विश्वं तथा मुदा मोदेन पुष्यति देवेषु मध्ये देवोग्निर्यज्ञियोयज्ञार्हश्च भवति । सिद्धमन्यत् ॥ ७ ॥