अग्ने॒ मन्मा᳚नि॒ तुभ्यं॒ कं घृ॒तं न जु᳚ह्व आ॒सनि᳚ ।
स दे॒वेषु॒ प्र चि᳚किद्धि॒ त्वं ह्यसि᳚ पू॒र्व्यः शि॒वो दू॒तो वि॒वस्व᳚तो॒ नभ᳚न्तामन्य॒के स᳚मे ॥
स दे॒वेषु॒ प्र चि᳚किद्धि॒ त्वं ह्यसि᳚ पू॒र्व्यः शि॒वो दू॒तो वि॒वस्व᳚तो॒ नभ᳚न्तामन्य॒के स᳚मे ॥
पदपाठः (Word-by-word)
अग्ने᳚ । मन्मा᳚नि । तुभ्य᳚म् । कम् । घृ॒तम् । न । जु॒ह्वे॒ । आ॒सनि᳚ ।
सः । दे॒वेषु᳚ । प्र । चि॒कि॒द्धि॒ । त्वम् । हि । असि᳚ । पू॒र्व्यः । शि॒वः । दू॒तः । वि॒वस्व᳚तः । नभ᳚न्ताम् । अ॒न्य॒के । स॒मे॒ ॥
सः । दे॒वेषु᳚ । प्र । चि॒कि॒द्धि॒ । त्वम् । हि । असि᳚ । पू॒र्व्यः । शि॒वः । दू॒तः । वि॒वस्व᳚तः । नभ᳚न्ताम् । अ॒न्य॒के । स॒मे॒ ॥
सायणभाष्यम् (Sayana Commentary)
हे अग्ने तुभ्यं त्वदर्थं आसनि आस्ये कं घृतं न यथा सुखकरं घृतं जुह्वत्यन्ये तद्वदहमपि तवास्ये मन्मानि मननीयानि स्तोत्राणि जुह्वे जुहोमि । सत्वं देवेषु देवानां मध्ये प्रचेकिद्धि अस्मदीयाः स्तुतीर्जानीहि । हि अपिच त्वं पूर्व्यः प्रत्नोसि शिवः सुखकरश्चासि विवस्वतो दूतश्चासि । सिद्धमन्यत् ॥ ३ ॥