आ तू न᳚ इन्द्र क्षु॒मन्तं᳚ चि॒त्रं ग्रा॒भं सं गृ᳚भाय ।
म॒हा॒ह॒स्ती दक्षि᳚णेन ॥
म॒हा॒ह॒स्ती दक्षि᳚णेन ॥
पदपाठः (Word-by-word)
आ । तु । नः॒ । इ॒न्द्र॒ । क्षु॒॑मन्त᳚म् । चि॒त्रम् । ग्रा॒भम् । सम् । गृ॒भा॒य॒ ।
म॒हा॒॑ह॒स्ती । दक्षि᳚णेन ॥
म॒हा॒॑ह॒स्ती । दक्षि᳚णेन ॥
सायणभाष्यम् (Sayana Commentary)
हे इन्द्र महाहस्ती महाहस्तवान् त्वं तु तदानीमेव अस्मभ्यं दातुं नोस्मदर्थं क्षुमन्तं शब्दवन्तं स्तुत्यमित्यर्थः । चित्रं चायनीयं ग्राभं ग्राहकं ग्रहणार्हं वाधनं दक्षिणेन हस्तेन नु क्षिप्रं आसंगृभाय आभिमुख्येन संगृहाण ॥ १ ॥