अ॒वि॒तासि᳚ सुन्व॒तो वृ॒क्तब᳚र्हिष॒ः पिबा॒ सोमं॒ मदा᳚य॒ कं श᳚तक्रतो ।
यं ते᳚ भा॒गमधा᳚रय॒न्विश्वा᳚ः सेहा॒नः पृत᳚ना उ॒रु ज्रय॒ः सम᳚प्सु॒जिन्म॒रुत्वा{4}᳚ इन्द्र सत्पते ॥
यं ते᳚ भा॒गमधा᳚रय॒न्विश्वा᳚ः सेहा॒नः पृत᳚ना उ॒रु ज्रय॒ः सम᳚प्सु॒जिन्म॒रुत्वा{4}᳚ इन्द्र सत्पते ॥
पदपाठः (Word-by-word)
अ॒वि॒ता । अ॒सि॒ । सु॒न्व॒तः । वृ॒क्त॑ब᳚र्हिषः । पिब᳚ । सोम᳚म् । मदा᳚य । कम् । श॒त॒क्र॒तो॒ इति᳚ शत॑क्रतो ।
यम् । ते॒ । भा॒गम् । अधा᳚रयन् । विश्वाः᳚ । से॒हा॒नः । पृत᳚नाः । उ॒रु । ज्रयः᳚ । सम् । अ॒प्सु॒॑जित् । म॒रुत्वा᳚न् । इ॒न्द्र॒ । स॒त्॑प॒ते॒ ॥
यम् । ते॒ । भा॒गम् । अधा᳚रयन् । विश्वाः᳚ । से॒हा॒नः । पृत᳚नाः । उ॒रु । ज्रयः᳚ । सम् । अ॒प्सु॒॑जित् । म॒रुत्वा᳚न् । इ॒न्द्र॒ । स॒त्॑प॒ते॒ ॥
सायणभाष्यम् (Sayana Commentary)
हे शतक्रतो बहुकर्मन्निंद्र सुन्वतः सोमाभिषवं कुर्वतो वृक्तबर्हिषस्तीर्णबर्हिषो यजमानस्य अविता रक्षितासि भवसि मदाय मदार्थं सोमं पिब । हे सत्पते सतां पते मरुत्वान् मरुत्वन् इन्द्र ते तुभ्यं यं सोमस्य भागमधारयन् सर्वे देवा अकल्पयन् । तथाच यजुर्ब्राह्मणं-सएतं माहेन्द्रमुद्धारमुदहरत् । वृत्रंहत्वान्यदेवतास्वधीति । तं भागं विश्वाः पृतनाः शत्रूणां सर्वाः सेनाः उरु बहु ज्रयोवेगंच संसेहानः सम्यगभिभवन्नप्सुजेत च सन् पिब ॥ १ ॥