यद्वा᳚ य॒ज्ञं मन᳚वे सम्मिमि॒क्षथु᳚रे॒वेत्का॒ण्वस्य᳚ बोधतम् ।
बृह॒स्पतिं॒ विश्वा᳚न्दे॒वा{4} अ॒हं हु᳚व॒ इन्द्रा॒विष्णू᳚ अ॒श्विना᳚वाशु॒हेष᳚सा ॥
बृह॒स्पतिं॒ विश्वा᳚न्दे॒वा{4} अ॒हं हु᳚व॒ इन्द्रा॒विष्णू᳚ अ॒श्विना᳚वाशु॒हेष᳚सा ॥
पदपाठः (Word-by-word)
यत् । वा॒ । य॒ज्ञम् । मन᳚वे । स॒म्॑मि॒मि॒क्षथुः᳚ । ए॒व । इत् । का॒ण्वस्य᳚ । बो॒ध॒त॒म् ।
बृह॒स्पति᳚म् । विश्वा᳚न् । दे॒वान् । अ॒हम् । हु॒वे॒ । इन्द्रा॒विष्णू॒ इति᳚ । अ॒श्विनौ᳚ । आ॒शु॒॑हेष᳚सा ॥
बृह॒स्पति᳚म् । विश्वा᳚न् । दे॒वान् । अ॒हम् । हु॒वे॒ । इन्द्रा॒विष्णू॒ इति᳚ । अ॒श्विनौ᳚ । आ॒शु॒॑हेष᳚सा ॥
सायणभाष्यम् (Sayana Commentary)
हे अश्विनौ यद्वा यथावा येन प्रकारेण मनवे प्रजापतये यजमानाय यज्ञं संमिमिक्षथुः संसिक्तवन्तौ युवां कृतवन्तौ एवेत् एवमेव काण्वस्य कण्वगोत्रस्य ममयज्ञं कर्तुं बोधतमवगच्छतम् । अपिच बृहस्पतिं बृहतां देवानां पतिं देवपुरोहितं विश्वान्सर्वान्मित्रादीन्दे- वांश्च इन्द्राविष्णू च आशुहेषसा शीघ्राश्वौ यद्वा हेषृशब्दे शीघ्रं सर्वत्र शब्द्यमानौ स्तूयमानावश्विनौ च अहं हुवे आह्वये ॥ २ ॥