यद᳚ग्ने॒ कानि॒ कानि᳚ चि॒दा ते॒ दारू᳚णि द॒ध्मसि᳚ ।
ता जु᳚षस्व यविष्ठ्य ॥
ता जु᳚षस्व यविष्ठ्य ॥
पदपाठः (Word-by-word)
यत् । अ॒ग्ने॒ । कानि᳚ । कानि᳚ । चि॒त् । आ । ते॒ । दारू᳚णि । द॒ध्मसि᳚ ।
ता । जु॒ष॒स्व॒ । य॒वि॒ष्ठ्य॒ ॥
ता । जु॒ष॒स्व॒ । य॒वि॒ष्ठ्य॒ ॥
सायणभाष्यम् (Sayana Commentary)
पूर्वस्यामृच्युक्तार्थस्य विवरणमत्र । हे यविष्ठ्य युवतमाग्ने तुभ्यं यद्यदा कानि कानिचित् यानिकान्यपि दारूणि काष्ठानि आदध्मसि आधारयामि । तदा ता तानि अपरशुवृक्णान्यपि जुषस्व सेवस्व । तथाच यजुर्ब्राह्मणं-नहस्मवै पुराग्निरपरशुवृक्णं दहति तदस्मै प्रयोगएव ऋषिरस्वदयद्यदग्ने यानि कानिचेति समिधमादधात्यपरशुवृक्णमेवास्मै स्वदयति सर्वमस्मै स्वदतइति ॥ २० ॥