यदत्त्यु᳚प॒जिह्वि᳚का॒ यद्व॒म्रो अ᳚ति॒सर्प᳚ति ।
सर्वं॒ तद᳚स्तु ते घृ॒तम् ॥
सर्वं॒ तद᳚स्तु ते घृ॒तम् ॥
पदपाठः (Word-by-word)
यत् । अत्ति᳚ । उ॒प॒॑जिह्वि᳚का । यत् । व॒म्रः । अ॒ति॒॑सर्प᳚ति ।
सर्व᳚म् । तत् । अ॒स्तु॒ । ते॒ । घृ॒तम् ॥
सर्व᳚म् । तत् । अ॒स्तु॒ । ते॒ । घृ॒तम् ॥
सायणभाष्यम् (Sayana Commentary)
हे अग्ने यत् काष्ठादिकं उपजिह्विका उपजिघ्रतीत्युपजिह्विका अत्ति भक्षयति यच्च काष्ठादिकं वम्रः वमत्युदकमितिवम्रः । उपजिह्विकावम्रशब्दौ यद्यपि पर्यायौ तथापि पृथगुपादानात् वम्रशब्दस्तद्विशेषे पर्यवस्यति । सोप्यतिसर्पति अतिगच्छति तत् सर्वं ते तव घृतं घृतसदृशमस्तु यथा घृतं तव प्रियकरं भवति तथा प्रियकरं भवत्वित्यर्थः ॥ २१ ॥