हे इन्द्र तीव्राः तीव्रमदाः क्षिप्रं मदकारिणइत्यर्थः । मादयिष्णवः मादनशीला मादनकारिणोवा इमे सोमासः सोमाः सुतासः त्वदर्थमभिषुताः तस्मादागहि अस्मदीयं यज्ञं प्रत्यागच्छ । आगत्यच तान् पिब । सोमपाने कारणमाह-त्वं यथा दधृक् धृष्टः तत्प्रीतौ प्रगल्भःसन् तान् ओचिषे समवैषि सेबसे ततस्तान्यथाकामंपिबेत्यर्थः । दधृगिति ञिधृषाप्रागल्भ्येइत्यस्मादृत्विग्दधृगित्यादिना क्विन्प्रत्ययान्तोनिपात्यते । ओचिषे उचसमवाये छान्दसेलेटिरूपम् ॥ २ ॥