अ॒भि हि स᳚त्य सोमपा उ॒भे ब॒भूथ॒ रोद᳚सी ।
इन्द्रासि᳚ सुन्व॒तो वृ॒धः पति᳚र्दि॒वः ॥
इन्द्रासि᳚ सुन्व॒तो वृ॒धः पति᳚र्दि॒वः ॥
पदपाठः (Word-by-word)
अ॒भि । हि । स॒त्य॒ । सो॒म॒॑पाः॒ । उ॒भे इति᳚ । ब॒भूथ᳚ । रोद᳚सी॒ इति᳚ ।
इन्द्र᳚ । असि᳚ । सु॒न्व॒तः । वृ॒धः । पतिः᳚ । दि॒वः ॥
इन्द्र᳚ । असि᳚ । सु॒न्व॒तः । वृ॒धः । पतिः᳚ । दि॒वः ॥
सायणभाष्यम् (Sayana Commentary)
हे सत्य सोमपाः सोमस्य पातरिन्द्र यस्त्वं उभे रोदसी द्यावापृथिव्यौ अभि बभूथ सामर्थ्येनाभिभवसि सत्वं सुन्वतः सोमाभिषवं कुर्वतो यजमानस्य वृधोवर्धकोसि दिवः स्वर्गस्यापि पतिरीश्वरोसि ॥ ५ ॥