त्वं हि शश्व᳚तीना॒मिन्द्र᳚ द॒र्ता पु॒रामसि᳚ ।
ह॒न्ता दस्यो॒र्मनो᳚र्वृ॒धः पति᳚र्दि॒वः ॥
ह॒न्ता दस्यो॒र्मनो᳚र्वृ॒धः पति᳚र्दि॒वः ॥
पदपाठः (Word-by-word)
त्वम् । हि । शश्व᳚तीनाम् । इन्द्र᳚ । द॒र्ता । पु॒राम् । असि᳚ ।
ह॒न्ता । दस्योः᳚ । मनोः᳚ । वृ॒धः । पतिः᳚ । दि॒वः ॥
ह॒न्ता । दस्योः᳚ । मनोः᳚ । वृ॒धः । पतिः᳚ । दि॒वः ॥
सायणभाष्यम् (Sayana Commentary)
हे इन्द्र त्वं शश्वतीनां बह्वीनां पुरां शत्रुनगरीणां दर्तासि दारयिता भवसि । किंच दस्योः उपक्षपयितुरसुरस्य हंतासि घातकोभवसि मनोर्म- नुष्यस्य यागादिकं कुर्वतो वृधोवर्धकश्चासि दिवः स्वर्गस्यापि पतिरीश्वरोसि ॥ ६ ॥