मर्ता॒ अम᳚र्त्यस्य ते॒ भूरि॒ नाम᳚ मनामहे ।
विप्रा᳚सो जा॒तवे᳚दसः ॥
विप्रा᳚सो जा॒तवे᳚दसः ॥
पदपाठः (Word-by-word)
मर्ताः᳚ । अम᳚र्त्यस्य । ते॒ । भूरि᳚ । नाम᳚ । म॒ना॒म॒हे॒ ।
विप्रा᳚सः । जा॒त॑वे᳚दसः ॥
विप्रा᳚सः । जा॒त॑वे᳚दसः ॥
सायणभाष्यम् (Sayana Commentary)
मर्ता मनुष्याः विप्रासो मेधाविनोवयं हे अग्ने जातवेदसो जातानां वेदितुः अमर्त्यस्य मरणरहितस्य देवस्य ते तव भूरि विस्तृतं नाम स्तोत्रं मनामहे जानीमः कुर्मइति यावत् ॥ ५ ॥