विप्रं॒ विप्रा॒सो॑व᳚से दे॒वं मर्ता᳚स ऊ॒तये᳚ ।
अ॒ग्निं गी॒र्भिर्ह᳚वामहे ॥
अ॒ग्निं गी॒र्भिर्ह᳚वामहे ॥
पदपाठः (Word-by-word)
विप्र᳚म् । विप्रा᳚सः । अव᳚से । दे॒वम् । मर्ता᳚सः । ऊ॒तये᳚ ।
अ॒ग्निम् । गीः॒॑भिः । ह॒वा॒म॒हे॒ ॥
अ॒ग्निम् । गीः॒॑भिः । ह॒वा॒म॒हे॒ ॥
सायणभाष्यम् (Sayana Commentary)
विप्रासोमेधाविनः मर्तासोमनुष्यावयं विप्रं मेधाविनं देवं दानादिगुणयुक्तमग्निं अवसे हविर्भिः तर्पयितुं ऊतये अस्माकं रक्षणार्थं च गीर्भिः स्तुतिभिः हवामहे आह्वयामहे ॥ ६ ॥ आभिप्लविकेषूक्थ्येषु तृतीयसवने आतेवत्सइति वैकल्पिकःस्तोत्रियस्तृचः सूत्रितञ्च-आतेवत्सोमनोयमदाग्नेस्थूरंरयिंभरेति ।