त्रीण्येक᳚ उरुगा॒यो वि च᳚क्रमे॒ यत्र᳚ दे॒वासो॒ मद᳚न्ति ॥
पदपाठः (Word-by-word)
त्रीणि᳚ । एकः᳚ । उ॒रु॒॑गा॒यः । वि । च॒क्र॒मे॒ । यत्र᳚ । दे॒वासः᳚ । मद᳚न्ति ॥
सायणभाष्यम् (Sayana Commentary)
उरुगायोविचक्रमइति पदलिंगाद्विष्णुरुच्यते उरुगायः उरुभिर्बहुभिर्गातव्यः यद्वा बहुषु देशेषु गंता बहुकीर्तिर्वा सर्वान् शत्रून् स्व सामर्थ्येन शब्दय- त्याक्रन्दयतीतिवा उरुगायः एतादृशएकोसहायो विष्णुः त्रीणि पदानि भुवनानि विचक्रमे साधु पादेन विक्रान्तवान् वेःपादविहरणे इति क्रमतेः आत्मनेपदम् । यत्र येषु लोकेषु देवासः इन्द्रादयोदेवाः मदन्ति यजमानदत्तैर्हविर्भिर्माद्यन्ति तानि विचक्रमइत्यन्वयः ॥ ७ ॥