सदो॒ द्वा च᳚क्राते उप॒मा दि॒वि स॒म्राजा᳚ स॒र्पिरा᳚सुती ॥
पदपाठः (Word-by-word)
सदः᳚ । द्वा । च॒क्रा॒ते॒ इति᳚ । उ॒प॒॑मा । दि॒वि । स॒म्॑राजा᳚ । स॒र्पिर्॑आ᳚सुती॒ इति᳚ स॒र्पिः॑आ᳚सुती ॥
सायणभाष्यम् (Sayana Commentary)
सम्राजाविति लिंगेन मित्रावरुणावभिधीयेते उपमा उपमौ परस्परं स्वकांत्योपमानभूतौ यद्वा उपमीयते आभ्यां सर्वमिति उपमौसर्वस्य एतावेव सम्राजौ सम्यग्दीप्यमानौ सर्पिरासुती सर्पिर्घृतमाभ्यामासूयते इति सर्पिरासुती घृतहविष्कौ द्वा द्वौ मित्रावरुणौ दिवि द्युलोके सदः सीदन्त्यत्रेति सदः स्थानं तच्चक्राते अकार्ष्टाम् ॥ ९ ॥