आ त᳚ इन्द्र महि॒मानं॒ हर᳚यो देव ते॒ महः᳚ ।
रथे᳚ वहन्तु॒ बिभ्र᳚तः ॥
रथे᳚ वहन्तु॒ बिभ्र᳚तः ॥
पदपाठः (Word-by-word)
आ । ते॒ । इ॒न्द्र॒ । म॒हि॒मान᳚म् । हर᳚यः । दे॒व॒ । ते॒ । महः᳚ ।
रथे᳚ । व॒ह॒न्तु॒ । बिभ्र᳚तः ॥
रथे᳚ । व॒ह॒न्तु॒ । बिभ्र᳚तः ॥
सायणभाष्यम् (Sayana Commentary)
हे इन्द्र ते तव महिमानं माहात्म्यं रथे बिभ्रतो धारयन्तो हरयोश्वा आवहन्तु । तथा हे देव ते महस्तेजोरथे बिभ्रतः अश्वा आवहन्तु । अत्र महिम्नो महसश्च पृथगावहनासंभवात् ताभ्यां विशिष्टं वहंत्वित्यर्थः । अथवा महिमानं बिभ्रतस्ते त्वां रथेवहन्तु महोबिभ्रतश्च त्वां वहन्त्विति योज्यम् ॥ ४ ॥