आ त्वा᳚ शु॒क्रा अ᳚चुच्यवुः सु॒तास᳚ इन्द्र गिर्वणः ।
पिबा॒ त्व१॒᳚स्यान्ध᳚स॒ इन्द्र॒ विश्वा᳚सु ते हि॒तम् ॥
पिबा॒ त्व१॒᳚स्यान्ध᳚स॒ इन्द्र॒ विश्वा᳚सु ते हि॒तम् ॥
पदपाठः (Word-by-word)
आ । त्वा॒ । शु॒क्राः । अ॒चु॒च्य॒वुः॒ । सु॒तासः᳚ । इ॒न्द्र॒ । गि॒र्व॒णः॒ ।
पिब᳚ । तु । अ॒स्य । अन्ध᳚सः । इन्द्र᳚ । विश्वा᳚सु । ते॒ । हि॒तम् ॥
पिब᳚ । तु । अ॒स्य । अन्ध᳚सः । इन्द्र᳚ । विश्वा᳚सु । ते॒ । हि॒तम् ॥
सायणभाष्यम् (Sayana Commentary)
हे गिर्वणोगीर्भिर्वननीयेन्द्र शुक्राः ग्रहेषु पात्रेषुच दीयमानाः सुतासोस्माभिरभिषुताः सोमाः त्वा त्वां आचुच्यवुः आगच्छन्तु । च्युङ्प्लुङ्गतौ लुङि बहुलंछन्दसीति शपःश्लुः ततस्त्वमस्माभिर्दीयमानस्यास्यांधसः सोमस्य भवदीयं भागं तु क्षिप्रं पिब । यद्वा क्रियाग्रहणंकत्रव्यमिति संप्रदानं चतुर्थ्यर्थे बहुलंछन्दसीति षष्ठी तदिदंसोमरूपमन्नं शीघ्रं पिब । तदेवोपपादयति-हे इन्द्र विश्वासु सर्वासु दिक्षु ते त्वदर्थं सोमपुरोडाशादिहविर्हितं निहितं भवति ॥ २ ॥