श्रु॒धी हवं᳚ तिर॒श्च्या इन्द्र॒ यस्त्वा᳚ सप॒र्यति᳚ ।
सु॒वीर्य᳚स्य॒ गोम᳚तो रा॒यस्पू᳚र्धि म॒हा{4} अ᳚सि ॥
सु॒वीर्य᳚स्य॒ गोम᳚तो रा॒यस्पू᳚र्धि म॒हा{4} अ᳚सि ॥
पदपाठः (Word-by-word)
श्रु॒धि । हव᳚म् । ति॒र॒श्च्याः । इन्द्र᳚ । यः । त्वा॒ । स॒प॒र्यति᳚ ।
सु॒॑वीर्य᳚स्य । गो॑म᳚तः । रा॒यः । पू॒र्धि॒ । म॒हान् । अ॒सि॒ ॥
सु॒॑वीर्य᳚स्य । गो॑म᳚तः । रा॒यः । पू॒र्धि॒ । म॒हान् । अ॒सि॒ ॥
सायणभाष्यम् (Sayana Commentary)
हे इन्द्र यः त्वा त्वां सपर्यति सपरशब्दः कंड्वादिः हविर्भिः परिचरति तादृशस्य तिरश्च्यः एतन्नामकस्य ऋषेः मम हवं स्तुतिभिः त्वद्विषयमाह्वानं श्रुधि शृणु । श्रुत्वाच हे इन्द्र त्वं सुवीर्यस्य शोभनवीर्योपेतस्य यद्वा वीरे पुत्रे भवं वीर्यं सुपुत्रवतः गोमतः गवादिपशुमतः रायोधनस्यदानेन पूर्धि अस्मान्पूरय । एतत्सामर्थ्यं कुतइत्यतआह-त्वं महान् गुणाधिकः देवानां श्रेष्ठश्चासि भवसि खलु ॥ ४ ॥