तमु᳚ ष्टवाम॒ यं गिर॒ इन्द्र᳚मु॒क्थानि᳚ वावृ॒धुः ।
पु॒रूण्य᳚स्य॒ पौंस्या॒ सिषा᳚सन्तो वनामहे ॥
पु॒रूण्य᳚स्य॒ पौंस्या॒ सिषा᳚सन्तो वनामहे ॥
पदपाठः (Word-by-word)
तम् । ऊं॒ इति᳚ । स्त॒वा॒म॒ । यम् । गिरः᳚ । इन्द्र᳚म् । उ॒क्थानि᳚ । व॒वृ॒धुः ।
पु॒रूणि᳚ । अ॒स्य॒ । पौंस्या᳚ । सिसा᳚सन्तः । व॒ना॒म॒हे॒ ॥
पु॒रूणि᳚ । अ॒स्य॒ । पौंस्या᳚ । सिसा᳚सन्तः । व॒ना॒म॒हे॒ ॥
सायणभाष्यम् (Sayana Commentary)
ऋषयः परस्परमाहुः तं पूर्वोक्तलक्षणं उइत्यवधारणे तमेवेन्द्रं स्तवाम स्तुतिभिः स्तुमः । यं इन्द्रं गिरोस्माकं स्तुतयः उक्थानि शस्त्राणिच वावृधुः प्रावर्धयन् तं स्तुमः । ततोवयं अस्येन्द्रस्य पुरूणि बहूनि पौंस्या वीर्याणि सिसासन्तः षणसंभक्तौ सनीडभावपक्षे आत्वेकृते सनोते- रनइति सांहितिकं षत्वं तानि वीर्याणि संभक्तुमिच्छन्तः सन्तः वनामहे तमिन्द्रं स्तुतिभिः संभजामहे ॥ ६ ॥