अग᳚न्म म॒हा नम᳚सा॒ यवि᳚ष्ठं॒ यो दी॒दाय॒ समि᳚द्ध॒ः स्वे दु᳚रो॒णे ।
चि॒त्रभा᳚नुं॒ रोद᳚सी अ॒न्तरु॒र्वी स्वा᳚हुतं वि॒श्वतः᳚ प्र॒त्यञ्च᳚म् ॥
चि॒त्रभा᳚नुं॒ रोद᳚सी अ॒न्तरु॒र्वी स्वा᳚हुतं वि॒श्वतः᳚ प्र॒त्यञ्च᳚म् ॥
पदपाठः (Word-by-word)
अग᳚न्म । म॒हा । नम᳚सा । यवि᳚ष्ठम् । यः । दी॒दाय᳚ । सम्॑इ᳚द्धः । स्वे । दु॒रो॒णे ।
चि॒त्र॑भा᳚नुम् । रोद᳚सी॒ इति᳚ । अ॒न्तः । उ॒र्वी इति᳚ । सु॑आ᳚हुतम् । वि॒श्वतः᳚ । प्र॒त्यञ्च᳚म् ॥
चि॒त्र॑भा᳚नुम् । रोद᳚सी॒ इति᳚ । अ॒न्तः । उ॒र्वी इति᳚ । सु॑आ᳚हुतम् । वि॒श्वतः᳚ । प्र॒त्यञ्च᳚म् ॥
सायणभाष्यम् (Sayana Commentary)
योग्निः स्वेदुरोणे स्वेस्थाने आहवनीये समिद्धः काष्ठैः समिद्धःसन् दीदाय दीप्यते तमिमं यविष्ठं युवतमं उर्वी विस्तीर्णयोः रोदसी रोदस्योः द्यावापृथिव्योरन्तर्मध्येन्तरिक्षे चित्रभानुं चित्रज्वालं स्वाहुतं सुष्ठु आहुतिभिर्हुतं सन्तं विश्वतः सर्वतः प्रत्यञ्चं प्रतिगच्छन्तमग्निं महा महता नमस्कारेण अगन्म वयमुपगच्छाम ॥ १ ॥