प्रति॒ स्तोमे᳚भिरु॒षसं॒ वसि᳚ष्ठा गी॒र्भिर्विप्रा᳚सः प्रथ॒मा अ᳚बुध्रन् ।
वि॒व॒र्तय᳚न्तीं॒ रज᳚सी॒ सम᳚न्ते आविष्कृण्व॒तीं भुव᳚नानि॒ विश्वा᳚ ॥
वि॒व॒र्तय᳚न्तीं॒ रज᳚सी॒ सम᳚न्ते आविष्कृण्व॒तीं भुव᳚नानि॒ विश्वा᳚ ॥
पदपाठः (Word-by-word)
प्रति᳚ । स्तोमे᳚भिः । उ॒षस᳚म् । वसि᳚ष्ठाः । गीः॒॑भिः । विप्रा᳚सः । प्र॒थ॒माः । अ॒बु॒ध्र॒न् ।
वि॒॑व॒र्तय᳚न्तीम् । रज᳚सी॒ इति᳚ । सम᳚न्ते॒ इति॒ सम्॑अ᳚न्ते । आ॒विः॒॑कृ॒ण्व॒तीम् । भुव᳚नानि । विश्वा᳚ ॥
वि॒॑व॒र्तय᳚न्तीम् । रज᳚सी॒ इति᳚ । सम᳚न्ते॒ इति॒ सम्॑अ᳚न्ते । आ॒विः॒॑कृ॒ण्व॒तीम् । भुव᳚नानि । विश्वा᳚ ॥
सायणभाष्यम् (Sayana Commentary)
विप्रासोमेधाविनोवसिष्ठाः वसिष्ठगोत्राः स्तोमेभिः स्तोतृभिः प्रयुज्यमानागीर्भिः स्तुतिभिः प्रथमा इतरयजमानेभ्यः पूर्वभूताः सन्तः उषसं प्रत्यबुध्रन् प्रतिबोधयन्ति । कीदृशीमुषसं चरजसी द्यावापृथिव्यौ समन्ते समानपर्यन्ते एकीभूतप्रान्ते विवर्त्ययन्तीं व्यावर्तयन्तीं विश्वा सर्वाणि भुवनानि भूतजातान्याविष्कृण्वतीं प्रकटीकुर्वतीं स्वभासा ॥ १ ॥