ए॒षा स्या नव्य॒मायु॒र्दधा᳚ना गू॒ढ्वी तमो॒ ज्योति᳚षो॒षा अ᳚बोधि ।
अग्र᳚ एति युव॒तिरह्र᳚याणा॒ प्राचि᳚कित॒त्सूर्यं᳚ य॒ज्ञम॒ग्निम् ॥
अग्र᳚ एति युव॒तिरह्र᳚याणा॒ प्राचि᳚कित॒त्सूर्यं᳚ य॒ज्ञम॒ग्निम् ॥
पदपाठः (Word-by-word)
ए॒षा । स्या । नव्य᳚म् । आयुः᳚ । दधा᳚ना । गू॒ढ्वी । तमः᳚ । ज्योति᳚षा । उ॒षाः । अ॒बो॒धि॒ ।
अग्रे᳚ । ए॒ति॒ । यु॒व॒तिः । अह्र᳚याणा । प्र । अ॒चि॒कि॒त॒त् । सूर्य᳚म् । य॒ज्ञम् । अ॒ग्निम् ॥
अग्रे᳚ । ए॒ति॒ । यु॒व॒तिः । अह्र᳚याणा । प्र । अ॒चि॒कि॒त॒त् । सूर्य᳚म् । य॒ज्ञम् । अ॒ग्निम् ॥
सायणभाष्यम् (Sayana Commentary)
एषोषाः स्या सा गतदिवसेषु प्रसिद्धा अदृश्यमानैषा नव्यं नवतरं आयुरायुष्यं यौवनमित्यर्थः तादृशं दधाना धारयन्ती गूढ्वी गूढंतमो- न्धकारं ज्योतिषा स्वतेजसा निवारयन्ती अबोधि बुध्यते अग्रे पुरोदेशे सूर्यस्य पुरस्तात् देवानामग्रेवा इतरदेवेभ्यः पूर्वमित्यर्थः युवतिः नित्यतरुणी सर्वत्रमिश्रयन्ती वा अह्रयाणा लुप्तोपमैषा अलज्जा युवतिरिव सायथा पत्युरग्रे सञ्चरातं तद्वत सूर्यस्य पुरस्तादेति एवंभूता- सती सूर्यं यज्ञमग्निं च प्राचिकितत् प्रज्ञापयति ॥ २ ॥