स॒मु॒द्रज्ये᳚ष्ठाः सलि॒लस्य॒ मध्या᳚त्पुना॒ना य॒न्त्यनि᳚विशमानाः ।
इन्द्रो॒ या व॒ज्री वृ᳚ष॒भो र॒राद॒ ता आपो᳚ दे॒वीरि॒ह माम᳚वन्तु ॥
इन्द्रो॒ या व॒ज्री वृ᳚ष॒भो र॒राद॒ ता आपो᳚ दे॒वीरि॒ह माम᳚वन्तु ॥
पदपाठः (Word-by-word)
स॒मु॒द्र॑ज्ये᳚ष्ठाः । स॒लि॒लस्य᳚ । मध्या᳚त् । पु॒ना॒नाः । य॒न्ति॒ । अनि᳚॑विशमानाः ।
इन्द्रः᳚ । या । व॒ज्री । वृ॒ष॒भः । र॒राद᳚ । ताः । आपः᳚ । दे॒वीः । इ॒ह । माम् । अ॒व॒न्तु॒ ॥
इन्द्रः᳚ । या । व॒ज्री । वृ॒ष॒भः । र॒राद᳚ । ताः । आपः᳚ । दे॒वीः । इ॒ह । माम् । अ॒व॒न्तु॒ ॥
सायणभाष्यम् (Sayana Commentary)
समुद्रज्येष्ठाः समुद्रोर्णवः ज्येष्ठः प्रशस्यतमोयासामपां ताः सलिलस्य अन्तरिक्षनामैतत् अन्तरिक्षस्य मध्यात् माध्यमिकात्स्थानात् यन्ति गच्छन्ति कीदृश्यः पुनानाः विश्वं शोधयन्त्यः अनिविशमानाः सर्वदागच्छन्त्यः वज्री वज्रभृत् वृषभः कामानां वर्षितेन्द्रः याः निरुद्धा- आपः रराद लिखति देवीर्देव्यस्ताआपः इहास्मिन्प्रदेशेस्थितं मां अवन्तु रक्षन्तु अभि गच्छन्तु वा ॥ १ ॥