यासु॒ राजा॒ वरु᳚णो॒ यासु॒ सोमो॒ विश्वे᳚ दे॒वा यासूर्जं॒ मद᳚न्ति ।
वै॒श्वा॒न॒रो यास्व॒ग्निः प्रवि᳚ष्ट॒स्ता आपो᳚ दे॒वीरि॒ह माम᳚वन्तु ॥
वै॒श्वा॒न॒रो यास्व॒ग्निः प्रवि᳚ष्ट॒स्ता आपो᳚ दे॒वीरि॒ह माम᳚वन्तु ॥
पदपाठः (Word-by-word)
यासु᳚ । राजा᳚ । वरु᳚णः । यासु᳚ । सोमः᳚ । विश्वे᳚ । दे॒वाः । यासु᳚ । ऊर्ज᳚म् । मद᳚न्ति ।
वै॒श्वा॒न॒रः । यासु᳚ । अ॒ग्निः । प्र॑वि᳚ष्टः । ताः । आपः᳚ । दे॒वीः । इ॒ह । माम् । अ॒व॒न्तु॒ ॥
वै॒श्वा॒न॒रः । यासु᳚ । अ॒ग्निः । प्र॑वि᳚ष्टः । ताः । आपः᳚ । दे॒वीः । इ॒ह । माम् । अ॒व॒न्तु॒ ॥
सायणभाष्यम् (Sayana Commentary)
अपांराजावरुणः यास्वप्सु वर्तते सोमः यास्वप्सु वर्तते यास्वप्सु स्थिताः विश्वे सर्वे देवाः ऊर्जमन्नं मदन्ति वैश्वानरोग्निः यासुप्रविष्टः ताआपोदेव्यःइहस्थितं मां अवन्तु ॥ ४ ॥
आमां मित्रावरुणेति चतुरृचं सप्तदशं सूक्तं वसिष्ठस्यार्षं चतुर्थ्यतिजगती व्यूहेनशक्वरीवा आदितस्तिस्रोजगत्यः प्रथमा मैत्रावरुणी द्वितीयाग्नेयी तृतीयावैश्वदेवी चतुर्थी गंगादिनदीदेवताका तथाचानुक्रमणिका-आमांमैत्रावरुण्याग्नेयी वैश्वदेवी नदीस्तुतिर्जागतमंत्या- तिजगती शक्वरीवेति । अस्यसूक्तस्य प्रत्यृचं विषादिहरणे विनियोगोलिंगादवगन्तव्यः ।