ऊ॒र्ध्वो अ॒ग्निः सु᳚म॒तिं वस्वो᳚ अश्रेत्प्रती॒ची जू॒र्णिर्दे॒वता᳚तिमेति ।
भे॒जाते॒ अद्री᳚ र॒थ्ये᳚व॒ पन्था᳚मृ॒तं होता᳚ न इषि॒तो य᳚जाति ॥
भे॒जाते॒ अद्री᳚ र॒थ्ये᳚व॒ पन्था᳚मृ॒तं होता᳚ न इषि॒तो य᳚जाति ॥
पदपाठः (Word-by-word)
ऊ॒र्ध्वः । अ॒ग्निः । सु॒॑म॒तिम् । वस्वः᳚ । अ॒श्रे॒त् । प्र॒ती॒ची । जू॒र्णिः । दे॒व॑ता᳚तिम् । ए॒ति॒ ।
भे॒जाते॒ इति᳚ । अद्री॒ इति᳚ । र॒थ्या᳚॑इव । पन्था᳚म् । ऋ॒तम् । होता᳚ । नः॒ । इ॒षि॒तः । य॒जा॒ति॒ ॥
भे॒जाते॒ इति᳚ । अद्री॒ इति᳚ । र॒थ्या᳚॑इव । पन्था᳚म् । ऋ॒तम् । होता᳚ । नः॒ । इ॒षि॒तः । य॒जा॒ति॒ ॥
सायणभाष्यम् (Sayana Commentary)
अग्निरंगनादिगुणविशिष्टः ऊर्ध्वउद्गमनः वस्वोवासकस्य स्तोतुः सुमतिं अस्मदीयां शोभनांस्तुतिं अश्रेत् श्रयतु सेवतां प्रतीची अभिमुखी जूर्णिः सर्वासां प्रजानां जरयित्री उषोदेवता देवतातिं यज्ञमेति गच्छति अद्रीआद्रियन्तौ श्रद्धावन्तौ पत्नीयजमानौ पंथां पंथानं यज्ञमा- र्गं रथ्येव रथिनाविव भेजाते सेवाते तथा इषितः संप्रेषितो नोस्मदीयोहोता ऋतं यज्ञं यजाति यजतु करोत्वित्यर्थः ॥ १ ॥