प्र वा᳚वृजे सुप्र॒या ब॒र्हिरे᳚षा॒मा वि॒श्पती᳚व॒ बीरि᳚ट इयाते ।
वि॒शाम॒क्तोरु॒षसः᳚ पू॒र्वहू᳚तौ वा॒युः पू॒षा स्व॒स्तये᳚ नि॒युत्वा᳚न् ॥
वि॒शाम॒क्तोरु॒षसः᳚ पू॒र्वहू᳚तौ वा॒युः पू॒षा स्व॒स्तये᳚ नि॒युत्वा᳚न् ॥
पदपाठः (Word-by-word)
प्र । व॒वृ॒जे॒ । सु॒॑प्र॒याः । ब॒र्हिः । ए॒षा॒म् । आ । वि॒श्पती᳚ इ॒वेति᳚ वि॒श्पती᳚॑इव । बीरि᳚टे । इ॒या॒ते॒ इति᳚ ।
वि॒शाम् । अ॒क्तोः । उ॒षसः᳚ । पू॒र्व॑हू᳚तौ । वा॒युः । पू॒षा । स्व॒स्तये᳚ । नि॒युत्वा᳚न् ॥
वि॒शाम् । अ॒क्तोः । उ॒षसः᳚ । पू॒र्व॑हू᳚तौ । वा॒युः । पू॒षा । स्व॒स्तये᳚ । नि॒युत्वा᳚न् ॥
सायणभाष्यम् (Sayana Commentary)
एषां यजमानानां संबन्धि सुप्रयाः शोभनान्नेन युक्तं बर्हिः कुशमयं प्रववृजे प्रवृज्यते आसाद्यतेइत्यर्थः विश्पतीव इवेतीदानीमर्थे इदानीं अस्मदीयानां प्रजानां पालकौ नियुत्वान् नियुच्छब्देन वडवाउच्यन्ते तद्वान् वायुः पूषाच विशां प्रजानां स्वस्तये क्षेमाय अक्तोः रात्रेः संबन्धिन्याउषसः सकाशात् पूर्वहूतौ पूर्वस्मिन्नाह्वानेसति बीरिटेन्तरिक्षे आ इयाते आगच्छतां यद्वा विश्पतीवेत्युपमा विशां मनुष्याणां बीरिटे गणे विश्पतीव राजानौ यथा गच्छतां तद्वत् अस्मिन्पक्षे विशामित्यभयत्र संबध्यते ॥ २ ॥