मि॒त्रस्तन्नो॒ वरु᳚णो मामहन्त॒ शर्म᳚ तो॒काय॒ तन᳚याय गो॒पाः ।
मा वो᳚ भुजेमा॒न्यजा᳚त॒मेनो॒ मा तत्क᳚र्म वसवो॒ यच्चय᳚ध्वे ॥
मा वो᳚ भुजेमा॒न्यजा᳚त॒मेनो॒ मा तत्क᳚र्म वसवो॒ यच्चय᳚ध्वे ॥
पदपाठः (Word-by-word)
मि॒त्रः । तत् । नः॒ । वरु᳚णः । म॒म॒ह॒न्त॒ । शर्म᳚ । तो॒काय᳚ । तन᳚याय । गो॒पाः ।
मा । वः॒ । भु॒जे॒म॒ । अ॒न्य॑जा᳚तम् । एनः᳚ । मा । तत् । क॒र्म॒ । व॒स॒वः॒ । यत् । चय᳚ध्वे ॥
मा । वः॒ । भु॒जे॒म॒ । अ॒न्य॑जा᳚तम् । एनः᳚ । मा । तत् । क॒र्म॒ । व॒स॒वः॒ । यत् । चय᳚ध्वे ॥
सायणभाष्यम् (Sayana Commentary)
मित्रोवरुणः अहर्निशाभिमानिनौ देवौ एतदाद्याः सर्वे आदित्याः नोस्मभ्यं तत् प्रसिद्धं शर्म सुखं ममहन्त मंहतिर्दानकर्मा ददतु गोपाः विश्वस्य रक्षकास्ते देवास्तोकायास्मदीयाय पुत्राय तनयाय तत्पुत्रायच शर्म प्रयच्छन्तु अथप्रत्यक्षस्तुतिः हे देवाः वोयुष्मदीयावयं अ- न्यजातमन्येनोत्पादितं एनः पापमाभुजेम माभुक्तवन्तः स्याम । हे वसवो वासकादेवाः यद्येन युष्मदप्रियेण कर्मणा चयध्वे यूयमस्मा- न्नाशयत तत्तादृशं कर्म वयं माकर्म माकार्ष्म लुङि करोतेरुत्तमस्य बहुवचनं मंत्रेघसह्वरेत्यादिना च्लेर्लोपः ॥ २ ॥