मा नो᳚ हृणीता॒मति᳚थि॒र्वसु᳚र॒ग्निः पु᳚रुप्रश॒स्त ए॒षः ।
यः सु॒होता᳚ स्वध्व॒रः ॥
यः सु॒होता᳚ स्वध्व॒रः ॥
पदपाठः (Word-by-word)
मा । नः॒ । ह॒णी॒ता॒म् । अति᳚थिः । वसुः᳚ । अ॒ग्निः । पु॒रु॒॑प्र॒श॒स्तः । ए॒षः ।
यः । सु॒॑होता᳚ । सु॒॑अ॒ध्व॒रः ॥
यः । सु॒॑होता᳚ । सु॒॑अ॒ध्व॒रः ॥
सायणभाष्यम् (Sayana Commentary)
वसुर्वासकः अतिथिरतिथिवत्प्रियः पुरुप्रशस्तः बहुभिः स्तुतः सुहोता सुष्ठु देवानामाह्वाता स्वध्वरः सुयज्ञश्च योग्निः सएषोग्निः नोस्मभ्यं माहृणीतां केनापि नरुध्यताम् । केनाप्यनवरुद्धः सन् अग्निः अस्मभ्यमभीष्टं प्रयच्छत्वित्यर्थः ॥ १२ ॥