यस्मा॒द्रेज᳚न्त कृ॒ष्टय᳚श्च॒र्कृत्या᳚नि कृण्व॒तः ।
स॒ह॒स्र॒सां मे॒धसा᳚ताविव॒ त्मना॒ग्निं धी॒भिः स᳚पर्यत ॥
स॒ह॒स्र॒सां मे॒धसा᳚ताविव॒ त्मना॒ग्निं धी॒भिः स᳚पर्यत ॥
पदपाठः (Word-by-word)
यस्मा᳚त् । रेज᳚न्त । कृ॒ष्टयः᳚ । च॒र्कृत्या᳚नि । कृ॒ण्व॒तः ।
स॒ह॒स्र॒॑साम् । मे॒धसा᳚तौ॑इव । त्मना᳚ । अ॒ग्निम् । धी॒भिः । स॒प॒र्य॒त॒ ॥
स॒ह॒स्र॒॑साम् । मे॒धसा᳚तौ॑इव । त्मना᳚ । अ॒ग्निम् । धी॒भिः । स॒प॒र्य॒त॒ ॥
सायणभाष्यम् (Sayana Commentary)
यस्मात्कारणात् चर्कृत्यानि कर्तव्यानि कर्माणि कृण्वतः कुर्वाणान् मनुष्यान् कृष्टयः इतरेमनुष्या रेजन्त कंपन्ते तस्मादिदानीं हे जना यूयं सहस्रसां गवां धनानांच सहस्रस्य दातारमग्निं मेधसातौ यज्ञे धीभिः कर्तव्यैः कर्मभिः त्मना आत्मनैव सपर्यत परिचरत ॥ ३ ॥