आ वं᳚सते म॒घवा᳚ वी॒रव॒द्यश॒ः समि᳚द्धो द्यु॒म्न्याहु᳚तः ।
कु॒विन्नो᳚ अस्य सुम॒तिर्नवी᳚य॒स्यच्छा॒ वाजे᳚भिरा॒गम᳚त् ॥
कु॒विन्नो᳚ अस्य सुम॒तिर्नवी᳚य॒स्यच्छा॒ वाजे᳚भिरा॒गम᳚त् ॥
पदपाठः (Word-by-word)
आ । वं॒स॒ते॒ । म॒घ॑वा᳚ । वी॒र॑व᳚त् । यशः᳚ । सम्॑इ᳚द्धः । द्यु॒म्नी । आ॑हु᳚तः ।
कु॒वित् । नः॒ । अ॒स्य॒ । सु॒॑म॒तिः । नवी᳚यसी । अच्छ᳚ । वाजे᳚भिः । आ॒॑गम᳚त् ॥
कु॒वित् । नः॒ । अ॒स्य॒ । सु॒॑म॒तिः । नवी᳚यसी । अच्छ᳚ । वाजे᳚भिः । आ॒॑गम᳚त् ॥
सायणभाष्यम् (Sayana Commentary)
मधवा धनवान् द्युम्नी अन्नवान् यशस्वीवा । तथाचयास्कः-द्युम्नंद्योततेर्यशोवान्नंवेति । समिद्धः संदीप्तः वीरवत् पराक्रमोपेतः आहुतः ऋत्वि- गादिभिराहूतोग्निः यशोयशस्करं अन्नमावंसते यजमानेभ्यः आप्रयच्छति । अस्याग्नेः नवीयसी नवतरासुमतिः अनुग्नहबुद्धिः नोस्मान् अच्छ प्रति वाजेभिः अन्नैः सह कुवित् बहुवारं सलिलं कुविदिति बहुनामसुपाठात् आगमत् आगच्छतु ॥ ९ ॥