प्र दैवो᳚दासो अ॒ग्निर्दे॒वा{4} अच्छा॒ न म॒ज्मना᳚ ।
अनु᳚ मा॒तरं᳚ पृथि॒वीं वि वा᳚वृते त॒स्थौ नाक᳚स्य॒ सान᳚वि ॥
अनु᳚ मा॒तरं᳚ पृथि॒वीं वि वा᳚वृते त॒स्थौ नाक᳚स्य॒ सान᳚वि ॥
पदपाठः (Word-by-word)
प्र । दैवः᳚॑दासः । अ॒ग्निः । दे॒वान् । अच्छ᳚ । न । म॒ज्मना᳚ ।
अनु᳚ । मा॒तर᳚म् । पृ॒थि॒वीम् । वि । व॒वृ॒ते॒ । त॒स्थौ । नाक᳚स्य । सान᳚वि ॥
अनु᳚ । मा॒तर᳚म् । पृ॒थि॒वीम् । वि । व॒वृ॒ते॒ । त॒स्थौ । नाक᳚स्य । सान᳚वि ॥
सायणभाष्यम् (Sayana Commentary)
दैवोदासः दिवोदासेनाहूयमानोग्निः मातरम् । सर्वस्य लोकस्य धारकत्वात् पृथिवी माता । तां पृथिवीमच्छ प्रति देवान् तस्य दिवोदासस्य यज्ञे देवान् अनु प्रति हविर्वोढुं नप्रविववृते यस्मादेनमग्निं दिवोदासो मज्मना बलेनाजुहाव तस्मादयमग्निः नाकस्य स्वर्गस्य सानवि समुच्छ्रिते देशे स्वायतनएव तस्थावतिष्ठत् ॥ २ ॥