प्र यं रा॒ये निनी᳚षसि॒ मर्तो॒ यस्ते᳚ वसो॒ दाश᳚त् ।
स वी॒रं ध᳚त्ते अग्न उक्थशं॒सिनं॒ त्मना᳚ सहस्रपो॒षिण᳚म् ॥
स वी॒रं ध᳚त्ते अग्न उक्थशं॒सिनं॒ त्मना᳚ सहस्रपो॒षिण᳚म् ॥
पदपाठः (Word-by-word)
प्र । यम् । रा॒ये । निनी᳚षसि । मर्तः᳚ । यः । ते॒ । व॒सो॒ इति᳚ । दाश᳚त् ।
सः । वी॒रम् । ध॒त्ते॒ । अ॒ग्ने॒ । उ॒क्थ॒॑शं॒सिन᳚म् । त्मना᳚ । स॒ह॒स्र॒॑पो॒षिण᳚म् ॥
सः । वी॒रम् । ध॒त्ते॒ । अ॒ग्ने॒ । उ॒क्थ॒॑शं॒सिन᳚म् । त्मना᳚ । स॒ह॒स्र॒॑पो॒षिण᳚म् ॥
सायणभाष्यम् (Sayana Commentary)
हे वसो वासकाग्ने यं तव स्तोतारं राये धनार्थं प्रनिनीषसि प्रनेतुमिच्छसि । यश्चमर्तोमनुष्यस्ते तुभ्यं दाशत् हवींषि प्रयच्छति समनुष्यः उक्थशंसिनं उक्थानां शंसितारं त्मना आत्मनैव सहस्रपोषिणं वीरं पुत्रं धारयति ॥ ४ ॥