त्वं वृषा॒ जना᳚नां॒ मंहि᳚ष्ठ इन्द्र जज्ञिषे ।
स॒त्रा विश्वा᳚ स्वप॒त्यानि᳚ दधिषे ॥
स॒त्रा विश्वा᳚ स्वप॒त्यानि᳚ दधिषे ॥
पदपाठः (Word-by-word)
त्वम् । वृषा᳚ । जना᳚नाम् । मंहि᳚ष्ठः । इ॒न्द्र॒ । ज॒ज्ञि॒षे॒ ।
स॒त्रा । विश्वा᳚ । सु॒॑अ॒प॒त्यानि᳚ । द॒धि॒षे॒ ॥
स॒त्रा । विश्वा᳚ । सु॒॑अ॒प॒त्यानि᳚ । द॒धि॒षे॒ ॥
सायणभाष्यम् (Sayana Commentary)
हे इन्द्र वृषा वर्षिता त्वं जनानां देवजनानां मध्ये मंहिष्ठोदातृतमोजज्ञिषे प्रादुर्भवसि । अतएव विश्वा सर्वाणि स्वपत्यानि शोभनैः पुत्रादिभिः सहितानि सत्रा सह दधिषे । यद्वा स्तोतृतमोजज्ञिषे प्रादुर्भवसि अतएव विश्वा सर्वाणि दातुं धारयसि ददासि वा ॥ १० ॥