यदि᳚न्द्र मन्म॒शस्त्वा॒ नाना॒ हव᳚न्त ऊ॒तये᳚ ।
अ॒स्माके᳚भि॒र्नृभि॒रत्रा॒ स्व᳚र्जय ॥
अ॒स्माके᳚भि॒र्नृभि॒रत्रा॒ स्व᳚र्जय ॥
पदपाठः (Word-by-word)
यत् । इ॒न्द्र॒ । म॒न्म॒॑शः । त्वा॒ । नाना᳚ । हव᳚न्ते । ऊ॒तये᳚ ।
अ॒स्माके᳚भिः । नृ॑भिः᳚ । अत्र᳚ । स्वः᳚ । ज॒य॒ ॥
अ॒स्माके᳚भिः । नृ॑भिः᳚ । अत्र᳚ । स्वः᳚ । ज॒य॒ ॥
सायणभाष्यम् (Sayana Commentary)
हे इन्द्र थद्यस्मिन् संग्रामे त्वा त्वां मन्मशः मन्मना मननीयेन स्तोत्रेण नाना बहुप्रकारं हवन्ते आह्वयन्ति । किमर्थं ऊतये रक्षायै । अत्रास्मिन् संग्रामे अस्माकेभिः अस्माकैरस्मदीयैरेव नृभिर्नेतृभिः स्तोतृभिः आहूतः सन् स्वः शत्रुबलं जयाभिभव ॥ १२ ॥