स रा᳚जसि पुरुष्टुत{4}॒ एको᳚ वृ॒त्राणि᳚ जिघ्नसे ।
इन्द्र॒ जैत्रा᳚ श्रव॒स्या᳚ च॒ यन्त᳚वे ॥
इन्द्र॒ जैत्रा᳚ श्रव॒स्या᳚ च॒ यन्त᳚वे ॥
पदपाठः (Word-by-word)
सः । रा॒ज॒सि॒ । पु॒रु॒॑स्तु॒त॒ । एकः᳚ । वृ॒त्राणि᳚ । जि॒घ्न॒से॒ ।
इन्द्र᳚ । जैत्रा᳚ । श्र॒व॒स्या᳚ । च॒ । यन्त᳚वे ॥
इन्द्र᳚ । जैत्रा᳚ । श्र॒व॒स्या᳚ । च॒ । यन्त᳚वे ॥
सायणभाष्यम् (Sayana Commentary)
हे पुरुष्टुत बहुभिः स्तुतेन्द्र सपूर्वोक्तगुणस्त्वं राजसि दीप्यसे ईशिषे वा अपिच त्वमेकः सहायरहितः केवलएवसन् वृत्राण्यावरकाणि शत्रुजातानि जिघ्नसे हतवानसि । किमर्थं जैत्रा जैत्राणि जेतव्यानि धनानि श्रवस्या श्रवस्यानि श्रवणीयान्यन्नानि यद्वा श्रवणार्हाणि यशांसि च यंतवे यन्तुं निय- न्तुं स्वाधीनं कर्तुम् ॥ ३ ॥