न नू॒नं ब्र॒ह्मणा᳚मृ॒णं प्रा᳚शू॒नाम᳚स्ति सुन्व॒ताम् ।
न सोमो᳚ अप्र॒ता प᳚पे ॥
न सोमो᳚ अप्र॒ता प᳚पे ॥
पदपाठः (Word-by-word)
न । नू॒नम् । ब्र॒ह्मणा᳚म् । ऋ॒णम् । प्रा॒शू॒नाम् । अ॒स्ति॒ । सु॒न्व॒ताम् ।
न । सोमः᳚ । अ॒प्र॒ता । प॒पे॒ ॥
न । सोमः᳚ । अ॒प्र॒ता । प॒पे॒ ॥
सायणभाष्यम् (Sayana Commentary)
प्राशूनां ये सोमं प्राश्नुवन्ति ते प्राशवस्तेषां सोमं सुन्वतां ब्रह्मणां ब्राह्मणानां ऋणं देवऋणं ननूनमस्ति नखलुविद्यते । तथाचश्रूयते-एषवाअनृणोयः पुत्री यज्वाब्रह्मचारीति । किञ्च अप्रताऽविस्तीर्णधनेन सोमोनपपे न पीयते प्रभूतधनेनैव सोमः पीयतइत्यर्थः ॥ १६ ॥